سنفرة لليدين

الرئيسية :: الاسرة والمجتمع :: الموضة والجمال

الأربعاء 8 مايو - 23:40

أول شي نسوي سنفرة لليدين وهذي مقادير السنفرة اللي أسويها ليديني..
ملعقتين سكر
ملعقتين ليمون
نص ملعقة ملح

4 ملاعق زيت الزيتون أو( زيت اللوز المر لوماتوفر عندنا زيت الزيتون)..
تخلط المقادير مع بعض ونفرك بها اليدين لمدة 5 دقائق بعدين نغسل اليدين بالمويه بس

وهذي السنفرة فائد تها تنظف اليدين وتشيل الجلد الميت بين الأظافر وتنعم اليدين ..

وبعدها نجي للخلطة اللي ندهن فيها أيدينا مرتين باليوم ..

تشترون الأتي ..
1 علبة فازلين المقوي للأظافر..

نص ليمونه ..
ملعقة فكس..هذا مالقيت لكم صورته بس معروف..
ملعقتين جلسرين اللي علبته زي الدواء..
1 كريم للتبيض أنتي أختاري اللي يناسبك.يعني أي كريم تبيض يعجبك .
ملعقة كريم جلسوليد الأحمر..
وتخلط
الكريمات مع بعض وتوضع في علبة زجاجيه بالثلاجه وكل يوم تاخذين من هذي
الخلطة مقدار ملعقة وتعصرين عليه نص ليمونه وتدهنين يدك منها مرتين باليوم
أو مره قبل النوم وشوفي يدك يوم ورى يوم بتفتح وتنعم وتصير زبده والكل
بيسألك عن سبب نعومتها ولمعانها وبياضها وغير كذا فازلين الأظافر بيطولها
ويقويها ..وعلى فكره هذي الخلطة بدون مبالغة تخلي مفاصل يدينك تبيض وتلق
بلون يدينك روووعه لاتفوتكم يابنات....
وعلى فكره أنا زدت لها قليل من
كريم للتسمين اليوم وبشوف النتيجه لأني أبي يديني تصير مليانه مع البياض
واللمعه وأن شاء الله ألقى نتيجة للتسمين في يدي بجانب البياض والنعومة
واللمعه اللي حصلتها ولونجح كريم التسمين وخلى يدي تسمن بجانب البياض
بعلمكم الحين ماأقدر أقولكم غير أنه نتايج هذي الخلطة ممتازة لتبيض ونعومة
اليدين فقط